1. Информатика – 49,7 м²
2. Химия - 63 м²
3. Математика – 49,6 м²
4. Қазақ тілі – 49,1 м²
5. Тарих - 49 м²
6. Бастауыш сынып – 48,7 м²
7. Кітапхана – 34,3 м²
8. Медбике – 18,9 м²
9. Мұғалімдер бөлмесі – 48,3 м²
10. Мектеп директоры – 36,4 м²

1. Батыс қанатындағы   коридор өлшемі –136,85 м² 

1. Шығыс қанатындағы   қысқа коридор өлшемі -136,85 м²
2. Батыс қанатындағы коридор өлшемі  – 136,85 м²
3. Кіре беріс дәліз (фаэ) – 304,3 м²

1. Ортаңғы топ ойын бөлмесі-49,5 м²
2. Ортаңғы топ жатын бөлмесі-49,5 м²
3. Кіші топ ойын бөлмесі-48,6 м²
4. Кіші топ жатын бөлмесі-48,6 м²
5. Фое(шағын орталық)-80 м² 

Мектеп тарихы

"Ілияс Жансүгіров атындағы орта мектебі, мектепке дейінгі шағын орталығымен" коммуналдық мемлекеттік мекемесінің тарихы 1926 жыл сауатсыздықты жою кезінен басталған. Қазіргі Ойтоған   округінің   4 елді мекенінде «Қызылтаң», «Жаңалық», «Ойтоған», «Үлгілі», «Тесіктоған» бастауыш мектептері ашылды.   Қызылтаң мектебінің ірге тасын қалаған, Алматы облыстық халық ағарту бөлімінің бастығына дейін көтеріліп, 1937 жылғы репрессияқұрбандарының бірі болған жерлесіміз Шынасілов Шамай (Ысқақ). Тесіктоғандағы мектеп 1930 – 1932 жылдары Қызылтаң жеті жылдығы болып құрылды да, 1957 жылы Ойтоған ауылына көшірілді. Осы жылдары мектепте мына мұғалімдер ұстаздық етті: И.Аятбаев, Т.Мазбаев, М.Сәрсекеев, А.Рысбаев, Ж.Төлеу, Ж.Алпысбаева, С.Әбжанов, К.Долбаков, И.Ботабаев, Б.Шөкенов, Е.Қабанбаев, А.Бижігітова, І.Сейтқалиев, С.Дүйсенбековтер еді.

1965 жылы Қазақ поэзиясының Құлагері, ақиық ақын І.Жансүгіровтың                                  70 жылдық мерей тойына (бір жыл кейін тойланды) орай мектепке ақын аты берілді.  1968- 1969 оқу жылы орта мектеп болып құрылды. Осы жылдары мектеп түлектері, ұстаздары бұрынғы мектеп ғимараты тар болғандықтан саман кірпіш құйып, қосалқы корпус және от жағатын орталық тұрғызды. 1971 жылы 640 орындық үш қабатты жаңа типті мектеп ғимараты берілді.

1962-1963 оқу жылдары малшы, Үлгілі және Буланов бөлімшесінің балалары үшін мектеп жанында интернат ашылды.1971 жылы мектеп жаңа ғимаратқа көшуіне байланысты ескі ғимарат интернатқа берілді. Кейін 1977 жылы  интернат мектеп жанында орналасқан екі қабатта ғимаратқа көшірілді және жаңадан интернат балалары үшін асхана салынды. Интернаттың   меңгерушілері және тәрбиешілері Рахметов Баубек, Сейтқалиев Ізбасар, Дүйсенбеков Сейдімбек, Досбаева Айғанша, Бейсов Ғаппар, Есенбаев Советбек,Тілеубаев Төлеубай, Өмірбаев Төлеубай, Ербосынов Исахан, Байдарханова Шакура сияқты мектеп ұстаздары болды.

1970-1990 жылдары бала саны 700-800 дейін жетіп, екі ауысымда білім алды.                            1983 жылы Үлгілі орталау мектеп болып ашылуына байланысты тәрбиеленуші бала саны азайып интернат жабылды. 1986 жылы мектеп жанында мектепке дейінгі даярлық тобы ашылып, оған жеке ғимарат салынып берілді. 2009 жылдың қыркүйек айында мектебімізде аға 25 балаға, 2016 жылы тағы да 25 балаға арналған  мектепке дейінгі шағын орталығы ашылды, онда 50  бала тәрбиеленуде. 

1926 жыл - Тесіктоған бастауыш мектебі, Ақсу ауданы,Ойтоған ауылы.

1931 жыл – Қызылтаң жетіжылдық мектебі.

1957 жыл – Қызылтаң сегізжылдық мектебі.

1969 жыл – І.Жансүгіров атындағы орта мектебі.

2009 жыл – І.Жансүгіров атындағы орта мектебі,мектепке дейінгі шағын орталығы.

2012 жыл - "Ілияс Жансүгіров атындағы орта мектебі, мектепке дейінгі шағын орталығымен" коммуналдық мемлекеттік мекемесі болып атауы өзгертілді.