емтихан

«Ілияс Жансүгіров атындағы орта мектебі, мектепке дейінгі шағын орталығымен» коммуналдық мемлекеттік мекемесі бойынша 2023 - 2024 оқу  жылында  Қазақстан Республикасы Білім және ғылым  министрінің 2008 жылғы   18 наурыздағы   № 125  бұйрығының (Оқу-ағарту министрінің 2023 жылғы 13 сәуірдегі  № 96 бұйрығымен өзгертулер мен толықтырулар енгізілген) 35 - тармағына сәйкес 5-8 және 10-сыныптың оқушылары “Қазақ тілі” пәнінен емтихан тапсыратындығы   ата – аналардың  жиналысында оқу ісі жөніндегі орынбасары Г.С.Шатырбаева таныстырылым жұмыстарын жүргізді.  

Қазақ тілі  бойынша емтихан білім алушылардың бағдарламалар мазмұнын  меңгеруін  бағалау  мақсатында  академиялық  жыл аяқталған кезде қазақ тілінде оқытатын мектептерде “Қазақ тілі” пәні бойынша МЖМБС-қа (тыңдалым (тыңдау), айтылым, оқылым, жазылым) сәйкес жазбаша және ауызша нысанда өткізілетіндігі айтылды.  

Ата – аналарға емтиханды өткізу уақыты мектептің педагогикалық кеңесімен айқындалатындығы, тапсырмаларды академиялық адалдық қағидаттарын сақтай отырып, қазақ тілі мен әдебиеті пәнінің  мұғалімдері А.Т.Шешенгелдинова және Т.Рысхан құрастырады және білім беру ұйымының мектеп директоры Д.Е.Сагымбаев бекітеді.